Mbappe golini VACTERL’ga chalingan qizaloqqa bag‘ishladi

Sport

−

17 yanvar 2022 visibility4574 timer1 daqiqa

PSJ hujumchisi Kilian Mbappe Fransiya chempionatining 21-turi doirasidagi “«Brest”ga qarshi o‘yinda (2:0) urgan golini ijtimoiy tarmoqlarda haqoratlangan yosh muxlisga bag‘ishladi. Bu haqda “RMC Sport” nashri xabar berdi.

Avvalroq, VACTERL sindromi tashxisi qo‘yilgan 8 yoshli Kamilla videomurojaatini e’lon qilib, Mbappeni Yangi yil bilan tabriklagan va undan PSJni tark etmaslikni so‘ragan edi. Keyinchalik uning ijtimoiy tarmoqlardagi posti ostida ko‘plab haqoratli sharhlar paydo bo‘lgandi.

PSG-Brest: "It's for you Camille", Kylian Mbappé dedicates his goal to a sick child mocked on Twitter - The Limited Times

Mbappe omma oldida qizni qo‘llab-quvvatlagan va Kamillani haqorat qilganlarni qoralagan. Brest darvozasiga urilgan goldan so‘ng, hujumchi kamera oldiga yugurib kelib: “Kamilla! Bu siz uchun”, deb aytgan

Eslatib o‘tamiz, Mbappe 2018 yildan beri PSJda faoliyat yuritmoqda. Hujumchining jamoa bilan shartnomasi 2022 yilning yozida o‘z yakuniga yetadi.

Maqola muallifi