Маскнинг онаси Байденни танқид қилди

Олам

−

15 Декабрь 2023 visibility9719 timer1 дақиқа

Миллиардер ва тадбиркор Илон Маскнинг онаси Мэй Маск ўғлининг дунёни янада яхшилашга интилаётгани, аммо АҚШ Президенти Жо Байден уни тўхтатмоқчи экани ҳақида ёзди. Бу ҳақда у ўзининг Х (собиқ Twitter) ижтимоий тармоғидаги саҳифасида маълум қилган.

“Мен Илон Маскнинг онасиман. Унинг мақсади дунёни янада яхши жойга айлантиришдир. АҚШ Президенти эса уни тўхтатмоқчи. Бошқа мамлакатлардаги одамлар Илон билан фахрланадилар, лекин АҚШ Президентининг қилғилиқларидан бехабар”, деб ёзади Мэй.

Маск хоним АҚШ Федерал Алоқа Комиссияси (ФСС) аъзоси Брендан Каррнинг "Байден миллиардерни турли йўллар, жумладан Адлия вазирлиги, АҚШ Федерал авиация маъмурияти ва Нью-Йорк округи суди орқали кузатиши” ҳақидаги сўзларини изоҳлаб, "шум қария" мамлакатнинг демократик қадриятларига зид иш қилаётганини таъкидлаган.

Мақола муаллифи