Марокашдаги газ омборида кучли портлаш юз берди (видео)
Олам
−
23 Декабрь 2022 4236
Марокашнинг Муҳаммадия шаҳридаги газ омборида портлаш содир бўлди. Бу ҳақда “Hespress” хабар берди.
Дастлабки маълумотларга кўра, бир нечта танк портлаган, ўт ўчирувчилар алангани ўчиришга ҳаракат қилмоқда. Бироқ ҳозирча натижа бўлмаган.
Зарба оқибатида яқин атрофдаги бинолар вайрон бўлган. Ҳозирча қурбонлар ҳақида маълумот йўқ.
Еттита юк машинасидан бештаси ёниб кетган. Уларнинг ҳар бирида 8 тоннадан ёнилғи бўлган.
Тахминларга кўра, ёнғинга газ сизиб чиқиши сабаб бўлиши мумкин. Ҳозирда ҳолат юзасидан тергов ҳаракатлари бошланган.
Маълумот учун, Муҳаммадия шаҳри Атлантика океани соҳилида, Марокаш пойтахти Рабат шаҳридан тахминан 60 км узоқликда жойлашган.
Live
БарчасиБухорода Ғиждувон деҳқон бозори ёнмоқда.
14 Декабрь