Markaziy osiyolik 2 kishi Rossiyada terrorchilikni targ‘ib qilishda ayblanmoqda
Olam
−
15 Sentabr 2021 3875
Rossiyaning Federal xavfsizlik byurosi Krasnoyarsk o‘lkasida mamlakatda taqiqlangan “Katibat at Tavhid val-Jihod” terrorchilik tashkilotining faoliyatini to‘xtatdi, uning ikki tarafdori hibsga olindi. Bu haqda TASS xabar berdi.
“Krasnoyarsk o‘lkasida o‘tkazilgan tezkor-qidiruv tadbirlari natijasida “Katiba at-Tavhid val-jihod” terrorchilik tashkiloti tarafdorlari faoliyatiga chek qo‘yildi”, deyiladi xabarda.
Aniqlanishicha, ikki fuqaro Markaziy Osiyo davlatlarining biridan kelgan. Ularning maqsadi o‘lkada terrorchilik harakatini targ‘ib qilish va mahalliy aholini o‘z safiga qo‘shish bo‘lgan.
Ularga nisbatan Rossiya Jinoyat kodeksining 205.1 (terrorchilik harakatlariga ko‘maklashish) va 205.2-moddalari (terrorchilik harakatini sodir etishga chaqirish) bilan jinoyat ishi ochilgan. Hozirda ular qamoqqa olingan.
Live
Barchasi