Марказий Осиё банклари Россиядан тўловларни секинлаштирмоқда – ОАВ 

Россия тадбиркорларининг Марказий Осиё мамлакатларидаги банклар орқали тўловларни рад этишлари улуши июль ойида 30 фоизга ошди. Бу ҳақда бугун, 25 июль куни РБК хабар берди. 

Қайд этилишича, тўлов муддати тахминан 15 фоизга икки ҳафтага ошган. Бу муаммо Қозоғистон, Қирғизистон, Ўзбекистон ва Тожикистон банкларига таъсир қилган. Улар Россия компанияларидан қўшимча ҳужжатлар ва тушунтиришларни талаб қила бошлаган. Гап таъсисчилар, мижозлар, битимлар ва маблағ манбалари тўғрисидаги маълумотлар ҳақида кетмоқда.

“Кўпинча тўловлар кечиктирилади ёки тушунтиришсиз қайтарилади. Хизмат кўрсатувчи Россия банки уларни билмайди ва тушунтира олмайди, чунки муаммо чет элда қабул қилувчи банк томонида пайдо бўлади. 2024 йилнинг иккинчи чорагида муаммолар янада кучайди”, дейди ПЭК молиявий директори Роман Ромашевский.

Digital Foreign Economic Activity асосчиси Анна Фомичеванинг айтишича, Марказий Осиё орқали Хитойга пул ўтказишда энг кўп муаммолар пайдо бўлади.

Қайд этилишича, “дўст мамлакатлар” банклари орқали тўловлар билан боғлиқ муаммолар 2023 йилда пайдо бўлган, аммо иккиламчи санкциялар таҳдиди кучайиши сабабли 2024 йилда кучайган.

“Банклар рад этишларини Россиянинг Украинадаги тажовузкорлиги муносабати билан АҚШ томонидан киритилган санкциялар остида қолишни истамасликлари билан изоҳламоқда”, дея тушунтирди Россияни қўллаб-қувватлаш халқаро алоқалар қўмитаси раиси Николай Дунаев.