Мареска “Манчестер Сити” бош мураббийи этиб тайинланди

“Манчестер Сити” италиялик мутахассис Энцо Марескани жамоанинг янги бош мураббийи этиб тайинлаганини эълон қилди. Бу ҳақда клуб матбуот хизмати хабар берди.

Маълум қилинишича, томонлар 2029 йилнинг ёзига қадар мўлжалланган шартнома имзолаган.

Энцо Мареска жорий йилнинг январь ойида Лондоннинг “Челси” клубини тарк этганидан сўнг эркин агент мақомига эга эди.

Италиялик мутахассис учун “Манчестер Сити” учун бегона жамоа эмас. У 2022–2023 йиллар давомида Пеп Гвардиола мураббийлар штабида фаолият юритган. Шунингдек, Мареска аввалроқ клубнинг ёшлар жамоаларида ҳам ишлаган.

Эслатиб ўтамиз, 2026 йил 22 май куни “Манчестер Сити” расмий сайтида Пеп Гвардиола 2025-2026 йилги мавсум якунидан сўнг бош мураббийлик лавозимини тарк этиши ҳақида маълум қилган эди. Гарчи унинг амалдаги шартномаси 2027 йилнинг ёзига қадар мўлжалланган бўлса-да, испаниялик мутахассис клубни режадан олдин тарк этишга қарор қилган.