Макрон Бенземани табриклади
Спорт
−
18 Октябрь 2022 3007
2021/22 йилги мавсум якунига кўра, Карим Бензема France Football нашри томонидан Йилнинг энг яхши футболчиси деб топилди. Карим Бенземанинг “Олтин тўп”ни қўлга киритиши Франция Президентининг эътиборидан четда қолмади. Эммануэль Макрон ижтимоий тармоқда хабар қолдириб, ҳужумчини табриклади.
“Унинг номи ва рақами футбол тарихида қолади. Зидан "Олтин тўп"ни қўлга киритганига 24 йил бўлди. Карим яна совринни Францияга қайтарди. Мен, ўз навбатида, Каримнинг бу натижаси билан табриклайман”, деб ёзди Президент.
Ўтган мавсум Бензема “Реал” билан Ла Лига ва Чемпионлар Лигасида ғалаба қозонди. Ҳужумчининг ўзи ҳар иккала турнирда ҳам тўпурарга айланди. Бензема 2009 йилдан бери “Реал”да ўйнаб келмоқда. У “қироллик клуби”да 421 та ўйин ўтказиб, 223 та гол уришга муваффақ бўлди.
34 ёшли футболчининг “қаймоқранглилар” билан шартномаси 2023 йилнинг ёзида якунига етади. Футболчининг трансфери 30 миллион еврога баҳоланмоқда.
Шаҳзод Шукуров
Live
Барчаси