Махачев Оқ уйда жанг қилишни хоҳлаётганини тасдиқлади

Россиялик аралаш яккакураш устаси, UFC ярим ўрта вазн тоифаси чемпиони Ислам Махачев жорий йилнинг июнь ойида Оқ уйда бўлиб ўтиши режалаштирилаётган лига турнирида жанг қилишга умид қилаётганини маълум қилди. Бу ҳақда Махачев журналистларга маълум қилди.

“Менимча, ушбу шоу учун карта ҳали тўлиқ шаклланмаган. Менинг жангим учун тахминий сана – агар Оқ уйда бўлмаса, шу тадбир атрофида бўлади. Ҳозирча жанг айнан Оқ уйда ўтиши энг эҳтимолий вариант”, деди Махачев журналистларга.

2025 йил май ойида Махачев UFC енгил вазн тоифасидаги чемпионлик камарини қўлдан бой берганди. Ноябрь ойида эса доғистонлик жангчи австралиялик Жек Делла Маддаленани ҳакамларнинг бир овоздан чиқарган қарори билан мағлуб этиб, ярим ўрта вазн тоифасидаги чемпионлик камарини қўлга киритди. Шу тариқа, у UFC тарихида икки вазн тоифасида чемпион бўлган илк россиялик жангчига айланди.

Аввалроқ, ОАВда АҚШ Мустақиллик декларацияси қабул қилинганининг 250 йиллиги муносабати билан жорий йилнинг 14 июнь куни ўтказиладиган турнирда Махачевнинг ирландиялик Иэн Мачадо Гэррига қарши жанг қилиши мумкинлиги ҳақида хабарлар тарқалган эди.

Махачевнинг ушбу жанг учун эҳтимолий рақиблари сифатида нигериялик-америкалик Камару Усман, Мачадо Гэрри ҳамда эквадорлик Майкл Моралес номлари тилга олинмоқда.