Македонский тангасини Ўзбекистондан олиб кетишга уринган хитойлик тўхтатиб қолинди

Александр Македонский даврига оид қадимий тангани Ўзбекистондан олиб кетишга уринган Хитой Халқ Республикаси фуқароси тўхтатиб қолинди. Бу ҳақда “Тошкент-АЭРО” ихтисослаштирилган божхона комплекси хабар берди.

Қайд этилишича, бугун, 12 июль куни соат 01:05 атрофида Ислом Каримов номидаги Тошкент халқаро аэропортининг чегара-божхона пости ходимлари томонидан “Тошкент-Урумчи” йўналиши бўйича учиб кетаётган Хитой фуқароси С.Ж.га тегишли йўл сумкалари божхона кўригидан ўтказилган. Текширув натижасида унинг ёнидан божхона назоратига тақдим этилмаган, жами 1 дона тахминан милоддан аввалги III асрда ишлаб чиқарилган Македонский расми туширилган оқ рангли металлдан ясалган қадимий танга борлиги аниқланган.

Ҳозирда ҳолат юзасидан суриштирув ҳаракатлари олиб борилмоқда.

Эслатиб ўтамиз, аввалроқ Бухорода 1751 йилда Россия императори Пётр I ҳукмронлиги даврида Екатеринбург зарбхонасида зарб этилган қадимий тангаларни чет элга олиб чиқиб кетмоқчи бўлганлар ушлангани хабар қилинганди.