Кутилмаганда “Барселона” афсонаси фаолиятини якунлади

Спорт 4586

Жорий йилнинг 10 ноябрь куни Тошкент шаҳридаги "Юнусобод" спорт мажмуасида Ўзбекистон бокс федерациясининг навбатдаги турнири бўлиб ўтади.

Мусобақа доирасида жами 9 та жанг ўтказилиши режалаштирилган. Ижтимоий тармоқлардаги чиқишлари орқали анчагина танилиб улгурган қўқонлик Аббосхон Йўлдошев ҳам турнир доирасида рингга кўтарилади. Аббосхонга Қашқадарё вилояти вакили Достон Пардаев рақиблик қилади.

Маълумот учун, Пардаевга қарши жанг Йўлдошев учун фаолиятидаги тўртинчиси бўлади. Сўнгги жангини Аббосхон "Ҳумо арена"да Шоҳруҳ Кенжаевга қарши ўтказиб, мағлубиятга учраганди.

Эслатиб ўтамиз, Йўлдошев шу йилнинг март ойида Бекзод Исадуллаевга қарши ўтказган жангидан кейин берган интервьюси орқали Ўзбекистонда жуда машҳур бўлиб кетганди.

"Барселона" ҳимоячиси Жерар Пике ижтимоий тармоқда Каталония клубидаги фаолиятини якунлагани ҳақида маълум қилди.

35 ёшли футболчи хайрлашув видеосини жойлаштирар экан, Ла Лиганинг 13-туридан ўрин олган "Альмерия" билан ўйин Пике учун "Барса"даги охиргиси бўлишини билдирган.

“Сизлар менга ҳамма нарсани бердингиз ва кичик боланинг орзулари ушалди. Мен сизга айтмоқчиманки, тугатиш вақти келди. Мен доим айтганман, "Барса"дан кейин бошқа жамоага ўтмайман ва шундай бўлди ҳам. Шанба куни менинг "Камп Ноу"даги сўнгги ўйиним бўлади”, деган Пике видеода.
Жерер Пике "Барселона" тарбияланувчиси, 2004 йилда у "Манчестер Юнайтед"га ўтди, 2006 йилда ҳимоячи "Реал Сарагоса"га бир йиллик ижарага берилди, 2008 йилда эса у "кўк-анорранглилар" сафига ўтди.

Бу вақт ичида Пике "Барселона" билан биргаликда саккизта Испания чемпионлиги, еттита Испания кубоги, олтита Испания Суперкубоги, учта Европа Чемпионлар лигаси, учта UEFA Суперкубоги ва клублар ўртасидаги Жаҳон чемпионлигини қўлга киритди. 2010 йилда у Испаниянинг энг яхши ҳимоячиси деб топилди. Ўша йили Испания терма жамоаси сафида Жаҳон чемпиони бўлди. Шунингдек, терма жамоа билан Евро-2012да ҳам ғолибликни қўлга киритган.

Енгил вазн тоифасида янги UFC чемпиони Ислом Махачев Доғистон Республикасининг олий мукофоти билан тақдирланди. "Доғистон Республикаси олдидаги хизматлари учун" орденини унга вилоят раҳбари Сергей Меликов шахсан топширди.

“Бу Доғистоннинг энг олий мукофотидир ва мен Исломга орден топширганимдан жуда хурсандман", дейди Меликов.

Мукофот билан тақдирлангач Ислом Махачев ҳам ўз фикрлари билан ўртоқлашди.

“UFC камарини қўлга киритганимдан хурсандман. Бу натижам кейинги авлодга ўрнак бўлади. Биламизки, бизда йигитлар кўп, барча заллар тўла. Бу ҳолат ҳаммамизга мотивация бўлади. Мен сизлардан фарқ қилмайман. Мен фақат мақсад қўйдим, машқ қилдим, ишондим. Дам олишга вақтим йўқ, аллақачон спорт залига қайтиб, машғулотларни бошлаб юбордим" , дейди Махачев.

Эслатиб ўтамиз, 22 октябрь куни Махачев Абу-Дабидаги UFC 280 мусобақасида Чарльз Оливейрани мағлуб этиб, енгил вазн тоифасида чемпионлик камарини қўлга киритганди.

Қувончбек Ғайбуллаев

.
Мақолага баҳо беринг
Баҳолаганлар: 39
Рейтинг: 2.6
t
×