Конституцияга ўзгартиш киритиш лойиҳаси парламентда биринчи ўқишда маъқулланди

Жамият

image

“Ўзбекистон Республикаси Конституциясига ўзгартиш ва қўшимчалар киритиш тўғрисида”ги Конституциявий қонун лойиҳаси умумхалқ муҳокамасига қўйилади. Бу ҳақда бугун, 24 июнь куни Олий Мажлис Қонунчилик палатаси ялпи мажлисида қарор қабул қилинди.

Қуйи палатанинг навбатдаги мажлисида “Ўзбекистон Республикаси Конституциясига ўзгартиш ва қўшимчалар киритиш тўғрисида”ги Конституциявий қонун лойиҳаси депутатлар томонидан биринчи ўқишда қабул қилинди.

Конституциявий комиссия раиси Акмал Саидов мажлисда сўзга чиқиб, ҳозиргача фуқаролардан 60 мингдан зиёд таклифлар тушганини маълум қилди. У Конституция қабул қилинаётганда бир неча ойларда 6 минг таклиф билдирилганини эслаб, ўсиш 10 баравар эканини таъкидлади. 

Қонунчилик палатасида шунингдек, қонун лойиҳасини умумхалқ муҳокамасига қўйиш юзасидан тегишли қарор қабул қилинди. 

Унда “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Ўзбекистон Республикаси Конституциявий қонуни лойиҳаси умумхалқ муҳокамаси учун “Халқ сўзи”, “Народное слово” газеталарида ҳамда Meningkonstitutsiyam.uz электрон платформасида эълон қилиниши белгиланган.

Бундан ташқари, ўтказилган умумхалқ муҳокамаси натижасига кўра, тайёрланган “Ўзбекистон Республикасининг Конституциясига ўзгартиш ва қўшимчалар киритиш тўғрисида”ги Ўзбекистон Республикаси Конституциявий қонуни лойиҳаси Ўзбекистон Республикаси референдумига қўйилиши маълумот учун қабул қилинган.


Мақола муаллифи

Теглар

Баҳолаганлар

62

Рейтинг

3

Мақолага баҳо беринг

Дўстларингиз билан улашинг