Конор Макгрегор Ватиканда 4 фарзандининг онасига уйланяпти

Бугун, 12 декабрь куни икки вазн тоифасида собиқ UFC чемпиони Конор Макгрегор фарзандларининг онаси Ди Девлинга уйланмоқда. Тўй маросими Ватикандаги тарихий Санто-Стефано-дельи-Абиссиничерковида бўлиб ўтади. Бу ҳақда “Irish Independent” нашри хабар берди.

Ватикан ичидаги манбалар ушбу маълумотни тасдиқлаб, черков тўй маросими учун банд қилинганини билдирган. Бу эса Ватикан вакили Маттео Брунининг аввалги баёнотига зид: у аввалроқ Макгрегор ва Девлин иштирокидаги ҳеч қандай тўй ҳақида хабардор эмаслигини айтган. Ҳозирча Макгрегорнинг тўй тафсилотлари сир сақланмоқда.

Макгрегор ва Девлин илк бор 2008 йилда Дублиндаги тунги клубда учрашган. Ўшандан бери улар бирга ҳаёт кечириб, тўртта фарзандни дунёга келтиришган. Жуфтлик 2020 йилда унаштирилган. Девлин йиллар давомида Макгрегорнинг турли ҳуқуқий муаммолари чоғида унинг ёнида бўлиб келган. 

Маълумотларга кўра, Макгрегорнинг Ватикандаги тўйи ҳуқуқий келишмовчиликларни келтириб чиқарган. Хусусан, бирр нечта маҳаллий амалдор жангчига муқаддас ҳудудда тўй маросими ўтказишга рухсат берилганини танқид қилмоқда.

Эслатиб ўтамиз, аввалроқ Криштиану Роналду ва Жоржина Родригесларнинг узоқ кутилган тўй маросими Роналдунинг туғилган шаҳри Фуншалда бўлиб ўтиши, никоҳ маросими 2026 йилги Жаҳон чемпионатидан кейин ёзда Фуншал католик черковининг йирик марказий ибодатхонасида ўтказилиши, зиёфат эса ҳашаматли меҳмонхонада давом эттирилиши ҳақида хабар берилган эди.