Конор Макгрегор Чарльз Оливейра билан жанг қилмоқчи
Спорт
−
26 Февраль 2022 2798
Енгил вазн тоифасида собиқ UFC чемпиони Конор Макгрегор амалдаги чемпион Чарльз Оливейрага қарши камар учун жанг қилмоқчи. Бу ҳақда “Sport” нашри хабар берди.
“Эҳтимол, Оливейра ақлли бўлса, у яна бир-икки ой кутиши мумкин. Июль жанг ўтказишим учун мақбул бўлиб туюлмоқда. Бироқ вақт масаласида жуда эрта гапира олмайман.
Агар апрельойида спарринг ўтказсам, ой охирида бу болаларнинг кўпчилигини бошига тепишим мумкин. Биласизми, нима ҳақида гапираётганимни? Мен спаррингдан жангга ўтаман”, деган Конор Макгрегор.
Енгил вазн UFC’даги энг рақобат жиддий тоифа ҳисобланади. Конор эса олдинги даражасини ушлаб қолмаган. Шунинг учун Чарльз Оливейрага қарши жанг қилиши мумкин бўлган спортчилар қаторида, Бениел Дариуш, Ислам Махачев ва Жастин Гетжи кабилар эътироф этилмоқда.
Маъруф Абдумаликов
Live
Барчаси