Клинтон Москвада қамалган спортчига озодлик сўради

Жорий йилнинг 17 февраль куни америкалик баскетболчи Бриттни Грайнер Москвада гиёҳванд моддалар контрабандаси иши бўйича айбланиб, қўлга олинган эди. Унга нисбатан Россия Федерацияси Жиноят кодексининг 229.1-моддаси (гиёҳвандлик воситаларини катта миқдорда контрабанда қилиш, 5 йилдан 10 йилгача озодликдан маҳрум қилишни назарда тутади) билан жиноят иши қўзғатилган.

Америкалик таниқли сиёсатчи, 2016 йилги сайловларда АҚШ президентлигига номзод бўлган Хиллари Клинтон ўз ватандоши, баскетболчи Бриттини Грайнерни озод қилишга чақирди. 

Клинтон Twitter’даги саҳифасида “Бриттни озод этинг” деб ёзган. Бироқ Грайнернинг ўзи унга нисбатан қўйилган айбловларни эътироз билдирмаган.

Маълумот ўрнида, Бриттни баскетбол бўйича АҚШ аёллар терма жамоаси билан биргаликда икки карра Олимпия чемпиони ҳисобланади. У 2015 йилдан бери Россиянинг УГМК баскетбол клубида фаолият юритиб келади. Шунингдек, Грайнер WNBА’нинг энг кучли 25 баскетболчиси рўйхатига киритилган.

Маъруф Абдумаликов