Хитойдаги улкан дронлар шоуси Гиннеснинг рекордлар китобига киритилди (видео)
Олам
−
28 Сентябрь 11908
Жорий йилнинг 3-сентябрь куни Хитойнинг Янбян Корея автоном префектурасининг 72-йиллигини нишонлаш учун уюштирилган улкан дронлар шоуси Гиннеснинг рекордлар китобига киритилди. Бу ҳақда рекордларни қайд этувчи ушбу ташкилот матбуот хизмати хабар берди.
Шоу давомида Шензҳен Дамода Intelligent Control Technology Co томонидан тақдим этилган дронлардан фойдаланилган. 7598 та дрондан иборат дисплей тунги осмонни ёритиб, жаҳон рекордини тасдиқловчи ёрқин тасвирларни яратган. Ушбу рекорд учун ишлатилган дронлар сони аввалги 3191 рекорддан икки баравар кўп эди.
Шунингдек, 2020-йилнинг сентябрь ойида Хитойнинг Чжухай шаҳрида Гиннеснинг рекордлар китоби унвонини ўрнатишда бир вақтнинг ўзида 3051 дрон ишлатилган.
Тўрт йил олдинги рекорд намойишига қараганда кўпроқ дронлар намойиш этилган ушбу сўнгги дисплей жуда зич ҳолда бирлашди.
Бироқ йиллар давомида технология ва маҳсулотларнинг сезиларли ютуқлари билан жорий йилги рекорд эгаси – Дамода жамоаси ғолибликни осонликча тортиб олишга муваффақ бўлди.
Чиқишдан олдин барча дронлар учиш қутиларида чиройли тарзда жойлаштирилган, ҳар бир қутида 12 та дрон бор эди. Уларни бошқариш учун битта ноутбук етарли бўлди ва тизим ҳар бир дроннинг ҳолатини реал вақтда кузатиб борди. Дронлар тунги осмон бўйлаб ҳаракатланиб, Буюк девор ва улуғвор аждаҳо каби рамзий тасвирларни шакллантирди.
Кўрсатмаларга кўра, дронлар тасвирни камида 20 сония ушлаб туриши керак эди. Рекордчи йўлбарс тасвири эса 37 сония давомида ушлаб турилган.
Эслатиб ўтамиз, аввалроқ Чили пойтахти Сантягода жорий йилнинг 27-май куни уч мингдан ортиқ одам велосипед шаклини ясаб, бу билан Гиннес рекордлар китобига кирди. Шаҳарнинг O‘Higgins жамоат боғига йиғилган одамлар флешмоб ўтказиб, ўзига хос улкан велосипед шаклини ҳосил қилган ва бу билан 2019-йилда Москвада ўрнатилган жаҳон рекордини янгилаган. Мазкур тадбир шу йил мамлакат пойтахти Сантягода ўтказиладиган Панамерика ва Парапанамерика ўйинларини тарғиб қилиш мақсадида уюштирилган. Бундан аввалги рекордни қайд этишда 2620 нафар одам Москванинг Авлиё Василий соборида йиғилганди.
