Кексайганда айримлар нега мункиллаб қолади?

Саломатлик 7234
image

Германиядаги Саар университети олимлари кексайишни енгиллаштирадиган асосий механизмлардан бирининг номини айтишди. Унинг мавжудлиги инсон ҳаёти ва соғлиғини узайтириши мумкин. Бу ҳақда “Aging Cell” журналида чоп этилган мақолада хабар қилинди.

Тадқиқотчилар шуни кўрсатдики, кортизол гормони ва ўзига хос GILZ оқсилининг таъсири туфайли танада сурункали яллиғланиш ривожланади, бу эса қаришнинг асосий жараёни ҳисобланади. Ёш ўтган сари иммунитет ёмонлашади. Янгилари эса ҳаддан ташқари фаол бўлиб, тўқималарга зарар етказади. Натижада атеросклероз ёки артрит кекса одамларга хос бўлиб, одамни ногирон қилиб қўйишга қодир.

Кортизол буйрак усти безлари томонидан ишлаб чиқарилади ва кўплаб метаболик жараёнларда иштирок этувчи сигнал молекуласи сифатида ишлайди. Иммунитет ҳужайраларининг турларидан бири бўлган макрофаглар фаол бўлмаган кортизонни кортизолга айлантиради. Аммо бу қобилият ёшга қараб камаяди.

GILZ оқсили макрофагларнинг яллиғланиш функциясини ўчириб қўйишга қодир, аммо ёш билан унинг даражасининг пасайиши кекса одамларда яллиғланиш реакциясини кучайтиради. Пастки кортизол даражаси GILZ’ни камайтиради. 

Содда тил билан айтганда, олимларнинг фикрича, оқсилнинг сурункали етишмаслиги инсон кексайганда нимжон ва ҳатто ногирон бўлиб қолишига сабаб бўлади. Бунинг учун таркибида етарлича оқсил бўлган маҳсулотларни меъёрида истъмол қилиш кексайганда соғлом ҳаётнинг кафолатларидан бири бўлади, деган фикрда олимлар.

Сарвар Анвар ўғли
Мақолага баҳо беринг
Баҳолаганлар: 175
Рейтинг: 3
Теглар
t
×