Капитолийдаги тўполон ортидан Республикачилар сафи камайишда давом этмоқда

Жорий йилнинг 6 январь куни Конгресс ташқарисидаги тартибсизликлар ортидан Республикачилар партиясининг рўйхатдан ўтган 30 мингдан зиёд аъзоси сиёсий имтиёзларини ўзгартирди. “The Hill” нашрининг ёзишича , бундай мисли кўрилмаган натижа республикачилар учун президентлик пойгасида мағлубиятга учраганидан ва Конгресс Сенатидаги кўпчилик ўринлар учун кураш ва кейинги ҳаракат йўналишини белгилашга уринишда муаммо туғдириши мумкин.

“Бироқ, бу айсбергнинг фақат учигина бўлиши мумкин. Ушбу 30 минг киши фақат бир нечта штатларда яшайди, уларда ҳар ҳафта сайловчиларни рўйхатга олиш ва партияларни ўзгартирган фуқаролар тўғрисида ҳисобот берилади”, дейилади нашрда.

Хабарга кўра, январь ойи бошидан бери Пенсилвания штатида рўйхатдан ўтган 10 мингга яқин сайловчи республикачилар билан алоқаларини узган. Уларнинг учдан бир қисми демократларга, қолганлари бошқа партияга аъзо бўлган ёки ҳеч қайси партияга аъзо бўлмасликни танлаган. Шу билан бирга, ушбу штатда демократларнинг учдан бир қисми республикачиларга қўшилган (2 минг). Шимолий Каролинада 6 минг, Аризонада 5 минг киши Республикачилар партияси сафида бўлишни хоҳламаган.