Қўқонда даҳшатли ЙТҲ: 3 киши қурбон бўлди

Бугун, 18 февраль куни Қўқон шаҳрига киришда мудҳиш ЙТҲ содир бўлди. Ҳайдовчининг қарама-қарши йўналишга чиқиб кетиши натижасида уч киши вафот этди. Бу ҳақда ИИВ Йўл ҳаракати хавфсизлиги бош бошқармаси хабар бермоқда. 

ЙТҲ соат 08:30 ларда А-373-Б “Қўқон шаҳрига кириш” йўли Данғара тумани ҳудудидан ўтган қисмининг 14-километрида ҳайдовчи содир бўлган. Ҳайдовчи У.А. Nexia русумли транспорт воситасини бошқараётиб қарама-қарши йўналишга чиқиб кетиши натижасида қаршисидан ҳаракатланиб келаётган ҳайдовчи Бувайда туманида яшаган Й.А. бошқарувидаги Tico русумли транспорт воситасига хамда унинг ортида ҳаракатланиб келаётган Фурқат туманида яшовчи Ж.З. бошқарувидаги Lacetti русумли транспорт воситасига тўқнашган. 

Натижада, Tico русумли транспорт воситаси хайдовчиси А.Й. ва йўловчиси М.Б. ҳамда “Lacetti русумли автомобилда бўлган йўловчи М.Х.лар воқеа жойида вафот этишган.