“Қонли январь” воқеалари: Қозоғистонда МХҚ раисининг собиқ ўринбосари қамалди
Олам
−
26 Февраль 2022 4965
Қозоғистонда Миллий хавфсизлик қўмитаси раисининг собиқ ўринбосари Марат Осипов мансаб ваколатини суиистеъмол қилганликда гумонланмоқда. Бу ҳақда Миллий хавфсизлик қўмитаси матбуот хизмати маълум қилган.
“Қозоғистон Республикаси Миллий хавфсизлик қўмитаси собиқ раиси К.Масимов, Миллий хавфсизлик қўмитаси раиси ўринбосари А.Садиқулов, Д. Ергожин ва бошқаларга нисбатан ҳокимиятни мажбуран тортиб олиш, давлатга хиёнат қилиш ва ўз ваколатини суиистеъмол қилиш фактлари бўйича судгача тергов давом эттирилмоқда”, дейилган хабарда.
Маълум қилинишича, 23 февраль куни суднинг санкцияси билан Марат Осиповга нисбатан эҳтиёт чораси қўлланилган — қамоққа олиш.
Қайд этилишича, тергов манфаати учун бошқа маълумотлар ошкор этилмайди.
Маълумот ўрнида, Марат Осипов 2016 йилнинг январидан 2022 йилнинг январигача Миллий хавфсизлик қўмитаси раиси ўринбосари лавозимида ишлаган.
