Қирғизистонда сел оқибатида тўққиз киши ҳалок бўлди
Олам
−
01 Июль 2944
Кеча, 30 июнь куни Қирғизистонда содир бўлган сел оқибатида 9 киши, жумладан, болалар ҳалок бўлди. Бу ҳақда Қирғизистон Фавқулодда вазиятлар вазирлиги хабар берди.
Қайд этилишича, Ўш вилоятининг Ноокат туманида содир бўлган сел оқибатида ҳалок бўлганларнинг умумий сони 9 кишига етган. Дастлабки маълумотларга кўра, ҳалок бўлганларнинг олти нафари 8 ёшдан 19 ёшгача бўлган болалардир. Уларнинг барчаси бир оила вакиллари экани аниқланган. Улардан бирининг жасади Абшир-Ота қишлоғидан топилиб, милицияга топширилган.
Билдирилишича, қидирув тадбирларида 373 киши: Фавқулодда вазиятлар вазирлигининг 53 нафар қутқарувчиси, Қирғизистон Республикаси Ички ишлар вазирлигининг 120 нафар ходими, Мудофаа вазирлигининг 50 нафар ходими ва 150 нафар маҳаллий аҳоли иштирок этган.
Live
Барчаси
