Қирғизистонда кончиларни тупроқ босиб қолди
Олам
−
24 Ноябрь 4323 1 дақиқа
Қирғизистоннинг Боткен вилоятидаги Сулукта шаҳрида жойлашган Адахан конида тўрт нафар кончини ер босиб қолди. Бу ҳақда мамлакат Фавқулодда вазиятлар вазирлиги хабар берди.
Келтирилишича, ҳолат кеча, 23 ноябрь куни содир бўлган. Кон қулаши оқибатида ер остида, тахминан 110 метр чуқурликда тўрт нафар кончи қолиб кетган.
Қутқарувчилар воқеа жойига етиб келгач, ходимлар аввал махсус трубка орқали кончиларга кислород етказиб берган. Шундан сўнг, қутқарувчилар вайроналарни аста-секин тозалаб, ер остида қолган ишчиларга етиб борган.
Тоғ-кон фавқулодда қутқарув хизмати қутқарувчилари кончиларни соат 23:05 да тирик ҳолда ер юзасига чиқарган. Қутқарув амалиётида ҳеч кимнинг ҳаёти хавф остига қўйилмагани қайд этилган.
Ҳозирда воқеа юзасидан тегишли органлар томонидан суриштирув ишлари олиб борилмоқда.
Комила Қобилова
Live
Барчаси
