Қирғизистон парламенти 16 ёшдан ошган педофилларга умрбод қамоқ жазосига рухсат берди

Қирғизистон Жогорку Кенеши (парламент) 16 ёшдан ошган педофилларга умрбод қамоқ жазоси берилишига рухсат берди. Бу ҳақда мамлакат парламенти матбуот хизмати хабар берди.

Қайд этилишича, ушбу қонун лойиҳаси Франциянинг “Интимак” ташкилоти раҳбари Марлен Маматалиев томонидан ишлаб чиқилган.

Ҳужжатни асослашда депутат сўнгги йилларда Қирғизистонда болаларга нисбатан жинсий зўравонлик ҳолатлари бир неча баробар ортганини тушунтирган.

“Амалиёт шуни кўрсатадики, жазони ўташдан озод этилган кўплаб маҳкумлар жиноят содир этилган пайтдаги ёшига қарамай, илгари судланган бўлган жиноятларини қайта содир этади”, дейди Маматалиев.

Энди депутатлар томонидан қабул қилинган қонун лойиҳаси кучга кириши учун у мамлакат Президенти томонидан имзоланиши керак.

Қирғизистон Жиноят кодексига жинсий жиноятлар учун жазони кучайтиришга қаратилган ўзгартишларни биринчи марта киритаётгани йўқ. Жорий йилнинг январь ойида давлат раҳбари зўрлаш бўйича ишларни томонлар жиноят содир этгандан сўнг, шунингдек, даъво муддати ўтганидан кейин тугатиш мумкин бўлмаган қоидани тасдиқлаган.

Шу билан бирга, Жогорку Кенеш бир неча бор педофиллар учун ўлим жазосини қўллаш тарафдори бўлган. Масалан, 2022 йилда Қирғизистон депутатларининг учдан икки қисми Жиноят кодексига ўлим жазоси бўйича тегишли ўзгартиришлар киритиш учун овоз берган, бироқ қонун лойиҳаси республика Конституцияси нормаларига мос келмаслиги сабабли олдинга силжимаган.