Қирғизистон, Қозоғистон ва Ўзбекистон “Қамбарота ГЭС-1” бўйича шартнома имзолади
Жамият
−
11 Июнь
4014Вена шаҳрида бўлиб ўтаётган халқаро инвестиция энергетика форумида "Қамбарота ГЭС-1” қурилиши бўйича Мувофиқлаштирувчи Донор қўмитаси тузилди. Бу ҳақда Қирғизистон Республикаси Вазирлар Маҳкамаси матбуот хизмати хабар берди.
Билдирилишича, қўмита таркибига қуйидаги молия институтлари кирди: Жаҳон банки, ОПEК жамғармаси, Осиё тараққиёт банки, Осиё инфратузилма инвестиция банки, Ислом тараққиёт банки, Қайта қуриш ва тараққиёт учун Европа банки ва бошқалар.
“Шу билан бирга, қўмита эшиклари очиқ ва манфаатдор томонлар унга аъзо бўлиши мумкинлигини таъкидлаш жоиз, донорлар қўмитасининг биринчи йиғилишини жорий йилнинг кузида ўтказишга қарор қилинди”, дейилади хабарда.
Бундан ташқари, бир қатор ҳужжатлар имзоланди:
- Қирғизистон, Қозоғистон ва Ўзбекистон энергетика вазирликлари ўртасида КАГЭС-1 лойиҳаси бўйича ҳамкорлик тўғрисидаги идоралараро келишув;
- Кемин-Балиқчи 500 киловатт электр узатиш линияси лойиҳасини молиялаштириш учун Қирғизистон электр тармоғини мустаҳкамлашни қўллаб-қувватлаш бўйича ўзаро англашув меморандуми;
- Қирғизистон ва Халқаро молия корпорацияси ўртасида қуёш энергетикасини ривожлантириш лойиҳасининг иккинчи босқичи бўйича келишув;
- “Долинка” подстанциясини модернизация қилиш” ва “Речная” нимстанциясини реконструкция қилиш” лойиҳаларини молиялаштириш бўйича келишув;
- Қирғизистон Республикаси Президенти ҳузуридаги Миллий инвестиция агентлиги ва Хитой халқаро инжиниринг компанияси энергетика бўйича консалтинг гуруҳи ўртасида энергетика соҳасида инвестиция лойиҳаларини амалга ошириш бўйича ўзаро ҳамкорлик тўғрисидаги меморандум.
Қирғизистон Вазирлар Маҳкамаси раҳбари Оқилбек Жапаров форум иштирокчиларига миннатдорлик билдирди.
“Ишончим комилки, Донорларни мувофиқлаштириш қўмитаси миллий лойиҳа – “Қамбарота ГЭС-1” қурилишини амалга ошириш бўйича ҳаракатларнинг давоми ва соатларнинг синхронлашуви бўлади”, дейди Жапаров.
Келажакдаги станциянинг қуввати 1860 мегаваттни ташкил қилади. Лойиҳанинг қиймати 4 миллиард доллардан ошади.
LiveБарчаси