Қибрайда чамадон ичидан Олий суд собиқ ходимининг жасади чиқди

Жамият

image

Тошкент вилоятининг Қибрай туманидаги корхонада Олий суд собиқ ходимининг жасади топилди. Бу ҳақда Бош прокуратура Матбуот хизмати QALAMPIR.UZ`га маълум қилди.

Жорий йилнинг 8 август куни Тошкент вилояти Қибрай тумани Ички ишлар бошқармасига “Қодирия ГЕСлар Каскади” унитар корхонаси 11-сонли ГЕСининг 2-аванкамерасида саёҳат чемоданига инсон жасади тиқиб қўйилгани ҳақида хабар берилган. Воқеа жойи кўздан кечирилганда, ярим очиқ ҳолатдаги саёҳат чамадони ичида эркак кишининг жасади борлиги тасдиқланган.

Сумка ичидаги мурдани кўздан кечирилганда унинг баданида тан жароҳати ва ундан қолган излар аниқланмаган. Шимининг чўнтагидан эса, жами 410 минг сўм миқдорда нақд пул топилган.

Ўтказилган тергов ва тезкор-қидирув ҳаракатлари натижасида мурда 1968 йилда Самарқанд вилоятида туғилган, пойтахтнинг Яккасарой туманида истиқомат қилиб келган Ш.A. эканлиги аниқланган. Маълумотларга кўра, марҳум Ш. A. аввал Ўзбекистон Олий судида таъминотчи вазифасида ишлагани айтилмоқда.

Дастлабки хабарларга кўра, Ш.A. шу йилнинг 7 август куни эрталаб уйидан Gentra русумли автомашинасида Тошкент шаҳридаги Республика шошилинч тез тиббий клиник (собиқ 6-сонли) шифохонасига чиқиб кетган. Мазкур транспорт воситасини аниқлаш бўйича “Тўсиб ушлаш” тадбири эълон қилиниб, транспорт воситаси қаерда эканлигини аниқлаш чоралари кўрилмоқда.

Бўстонлиқ тумани суд тиббий экспертиза бўлинмасининг бирламчи маълумотномасида марҳум Ш.A. “бўйин аъзолари тўмтоқ жисм таъсирида сиқилиши оқибатида юзага келган механик асфикция”дан вафот этгани қайд этилган. Aйни пайтда ҳолат бўйича Қибрай туман прокуратураси томонидан Жиноят кодексининг 97-моддаси (қасддан одам ўлдириш) 1-қисми билан жиноят иши қўзғатилган.

Ҳолат юзасидан Тошкент вилоят ИИББ, Тошкент шаҳар ИИББ ҳамда туман ИИБ ходимларидан иборат тезкор гуруҳлар ташкил этилиб, тергов ҳамда тезкор-қидирув ҳаракатлари амалга оширилмоқда.

Aҳрорбек Ҳайруллаев


Мақола муаллифи

avatar

.

Теглар

Баҳолаганлар

1258

Рейтинг

2.9

Мақолага баҳо беринг

Дўстларингиз билан улашинг