Қайси вилоятда “свет” энг кўп ўчаётгани маълум бўлди

Жамият 40916
image

Ўзбекистон Республикаси Президенти Шавкат Мирзиёев раислигида қиш мавсумига тайёргарликда йўл қўйилган камчиликларни ҳал этиш ҳамда озиқ-овқат хавфсизлигини таъминлаш бўйича видеоселектор йиғилиши ўтказилмоқда. Йиғилишда Ўзбекистоннинг қайси ҳудудида электр энергиясидан энг кўп узилишлар бўлаётгани маълум қилинди. Бу ҳақда ЎзА  хабар бермоқда.

Унга кўра, Республикада энг кўп узилиш Сурхондарё вилоятида кузатилмоқда. Ҳуддуда бир кунда 7 соатгача электр энергияси берилмаяпти.

Йиғилишда таъкидланганидек, электр энергияси бўйича энг кўп танқислик Самарқандда суткасига – 1,6 миллион киловатт-соат, Андижон, Фарғона ва Қашқадарёда – 1,5 миллион киловатт-соатдан, Наманганда – 1,3 миллион киловатт-соатни ташкил этган.

Энг кўп узилишлар Сурхондарёда – 7 соатгача, Қашқадарёда – 6 соатгача, Фарғона ва Андижонда – 5 соатгача, Самарқандда – 3 соатгача, Бухорода – 2 соатгача кузатилган. Ушбу узилишларга асосан иқтисодиёт тармоқлари ва аҳолининг электр энергиясига талаби кундан-кунга ошиб бориши, шунингдек, тақсимловчи тармоқларнинг 60 фоизи эскиргани сабаб бўлаётгани қайд этилган.

Умиджон Нозимжонов
Мақолага баҳо беринг
Баҳолаганлар: 2259
Рейтинг: 3
t
×