Қашқадарёдаги ЙТҲда икки киши вафот этди
3-саҳифа
−
06 Май 2023 7044
Қашқадарёда Nexia-3 ва Nexia-2 автомобиллари ўзаро тўқнашиши oқибатида икки киши ҳалок бўлди, яна икки киши шифохонага ётқизилди. Бу ҳақда вилояти ИИБ Матбуот хизмати хабар берди.
Унга кўра, ҳодиса кеча, 5 май куни соат тахминан 13:30 ларда давлат аҳамиятидаги 4Р-79 “Қарши-Чим-Чироқчи-Шаҳрисабз” автомобиль йўлида содир бўлган. Фуқаро Б.М. бошқарувида бўлган Nexia-3 русумли автомобиль “Шаҳрисабз-Қарши” йўналиши бўйича ҳаракатланаётиб, қарама-қарши томондан келаётган Ж.А. бошқарувидаги Nexia-2 билан тўқнашиб, ЙТҲ содир этган.
Оқибатда, Nexia-2 русумли автомашинада бўлган икки нафар йўловчи тан жароҳати олиб, ҳодиса жойида вафот этган. Ҳар иккала транспорт воситаси ҳайдовчилари тан жароҳати олиб шифохонага ётқизилган.
Ҳозирда мазкур ҳолат юзасидан Жиноят кодексининг 266-моддаси 3-қисми “а” банди билан жиноят иши қўзғатилган.
Нурмуҳаммад Файзуллаев
