Қашқадарёда қиз шантаж сабаб ўзини осиб қўйди

Қашқадарё вилояти Миришкор туманида бир аёлни ўзини ўзи ўлдириш даражасига етказиш ҳамда шахсий ҳаёт дахлсизлигини бузган шахсларга суд ҳукми ўқилди. Бу ҳақда ЖИБ Касби туман суди вакили QALAMPIR.UZ сайтига  маълум қилди.

"Ижарачи Г.Ш. ўзининг гўзалик салонини М.Ж.га ойига 300 минг сўм эвазига ижарага беради. 1 апрель куни М.Ж.нинг қизи Ш.Р. ИИБ ходими З.Р. билан гўзаллик салонида қучоқлашиб турганида, ижарачи икки қизи ва куёви ҳамда жияни Т.С бн кириб келади ва жияни Т.Сга уларни телефон оркали видео тасвирга олиш ҳақида топшириқ беради. Уларни видеога олиб, қиздан “Мени З.Р. зўрлади”, деган тилхат ёздириб олади. 

Шундан сўнг ижарачи Г.Ш. ИИБ ходими З.Р.дан О.Т.нинг мендан 10 млн сўм қарзи бор, ўшани олиб берасан, деб талаб қўяди. Ш.Р.га эса агар ижара учун ойига 100 доллардан тўламасанг, видео тасвирларни намойиш қиламан деб таҳдид қилган. 

3 апрель куни видео тасвир тарқалиб кетишидан ва  шахсий ҳаёти тўғрисидаги матлумотлар ошкор булишидан қўрқиб ўз жонига қасд килган Ш.Р. салон шифтига ўзини осиб қўяди.

Аёлнинг ўзини ўзи ўлдириш даражасига етказишида айбдор деб топилган  Г.Ш.га 5 йил озодликдан маҳрум қилиш жазоси, Т.С.га эса шахсий ҳаёт дахлсизлигини бузгани учун 2 йил озодликни чеклаш жазоси тайинланди", дейилади хабарда.

Шаҳноза Тўрамуротова