Қашқадарёда ағанаган Isuzu ичида 2 киши қолиб кетди
Жамият
−
19 Июль 2023 7758
Қашқадарё вилоятида Isuzu аварияга учраши оқибатида 2 нафар шахс машина ичида қолиб кетди. Бу ҳақда вилоят Фавқулодда вазиятлар бошқармаси хабар берди.
Келтирилишича, воқеа бугун, 19 июль куни соат тахминан 14:00 атрофида Ғузор – Самарқанд йўналишида А-378 йўлининг 90-километрида содир бўлган. Isuzu русумли автомобиль ҳайдовчиси бошқарувни йўқотиши оқибатида йўл четига ағанаб, автомашина салони ичидаги 2 нафар фуқаро қисилиб қолган.
Вилоятнинг Кўкдала тумани Фавқулодда вазиятлар бўлимининг ёнғин-қутқарув бўлинмаси воқеа жойига етиб бориб, жабрланган фуқароларни атрофдагилар ёрдамида автомашинадан олиб чиққан ҳамда уларга тиббий ёрдам кўрсатилган.
Ҳозирда уларнинг аҳволи яхши экани айтилмоқда.
Live
Барчаси
