Қабул-2022: Абитуриентларга 5 та йўналиш танлашда қўшимча имконият берилди
Жамият
−
16 Июнь 2022 9182
2022/2023 ўқув йили учун ҳам абитуриентларга 5 тагача таълим йўналишини танлаш имконияти берилади. Бу ҳақда Ўзбекистон Президентининг “Давлат олий таълим муассасаларига ўқишга қабул қилиш жараёнларини ташкил этиш тўғрисида”ги қарорида белгиланди.
Қарорга кўра абитуриентларга:
• тест синови топшириладиган фанлар мажмуаси ва кетма-кетлиги бир хил бўлган бештагача бакалавриат таълим йўналишларини ҳамда бир вақтнинг ўзида барча таълим шаклларини (кундузги, сиртқи, кечки) танлаш ҳуқуқи берилади;
• рўйхатдан ўтиш жараёнида танланган бакалавриат таълим йўналишлари устуворлигига қараб дастлаб давлат гранти, кейинчалик тўлов-контракт асосида танловда иштирок этиш имконияти берилади.
Эслатиб ўтамиз, ўтган йили ҳам абитуриентларга бешта йўналишни танлаш имконияти берилганди. Бироқ турли таълим шакллари орасидан йўналишларни танлаш имконияти мавжуд эмасди.
Live
Барчаси