Италияда мафия иқтисодиётга ёрдам беришни бошлади

Олам 6641
image

Кенг миқёсли иқтисодий инқирозга олиб келган коронавирус пандемияси ўртасида Италияда маҳаллий мафия тузилмалари кичик ва ўрта бизнесга молиявий ёрдам кўрсатишни бошлади. Бу ҳақда Мафияга қарши тергов бошқармасининг мунтазам ҳисоботида айтилган.

Бироқ, муаллифларнинг таъкидлашларича, гап альтруизм ҳақида эмас. Шундай қилиб, жиноятчилар ижтимоий нафақа олувчиларни келажакда пул ювиш мақсадида ишлатиш учун уларни ўзларининг назорати остига олишга уринмоқда. Жиноятчилар биринчи навбатда қўллаб-қувватлашни таклиф қилади ва бизнес эгаси бунга рози бўлганда, улар қўрқитишнинг анъанавий усулларига ўтади.

Тадқиқот ўтган йилнинг январидан июнгача бўлган даврни ўз ичига олади. Одатда йилига икки марта нашр этиладиган ушбу ҳисобот пандемия бошланганидан бери биринчиси ҳисобланади. Унда анъанавий равишда учта асосий гуруҳ “Ндрангета” (Италияда энг нуфузли), “Коза Ностра” ва “Каморра”га эътибор қаратилади.

Материалда мафия карантин туфайли жиддий йўқотишларга учраганлиги қайд этилган. Ўғирланган нарсаларни сотиб олиш ва сотиш зарар кўрган, сохта маҳсулотларни етказиб бериш ёмонлашган ва талончиликлар камроқ бўлган. Шу сабабли, жиноий тузилмалар даромад олишнинг янги усулларини изламоқда.

Умиджон Нозимжонов
Мақолага баҳо беринг
Баҳолаганлар: 319
Рейтинг: 2.9
t
×