Италия кубогида супер тўқнашув: “Интер” “Рома”ни меҳмон қилади (превью)

Италия кубоги чорак финали супер баҳслар билан яна давом этади. Эртага, 9  февралнинг илк соатларида "Рома" ўз уйида "Интер"ни қабул қилади.  Ҳар икки жамоа ўз сафида ажойиб ўйинчиларга эга ва бу ўйинда ғалаба қозонишни хоҳлайди.

"Рома" А Cерия турнир жадвалида еттинчи ўринни эгаллаб турибди.  "Гиаллоросси" ўтган ҳафта "Женоа"га қарши 0:0 ҳисобида дуранг ўйнади ва бу учрашув жамоага мухлислар олдида ўзини оқлаб олиши учун имкон бериши мумкин.

Миланнинг "Интер" клуби эса айни дамда чемпионат жадвалида биринчи ўринда бормоқда.  "Нерадзуррилар" аввалги ўйинда азалий рақиби "Милан"дан 2:1 ҳисобида мағлубиятга учраган ва энди Симоне Инзаги шогирдлари бор аламини "Рома"дан олиши кутилмоқда.

Миланликлар “Рома”га қарши ўйинларда яхши натижалар қайд этиб келган ва икки жамоа ўртасида ўтказилган 63 ўйиндан 23 тасида ғалаба қозонган.  "Рома" "Интер"га қарши баҳсларнинг 17 тасида ғалабага эришган.

Икки жамоа ўртасидаги олдинги учрашув ўтган йилнинг декабрь ойида бўлиб ўтган ва "Интер"нинг 3:0 ҳисобидаги ғалабаси билан якунланган эди.  

"Интер"

Робин Госенс "Аталанта"дан "Интер"га тўлиқ кўчиб ўтди, аммо немис футболчиси узоқ муддатли жароҳати сабаб сафга қўшилмайди. Хоакин Корреа ҳам айни дамда жароҳатдан тикланмоқда ва бу ўйинда майдонга туша олмайди.

Жароҳатланганлар: Робин Госенс, Хоакин Корреа, Фелипе Кайседо

"Рома"

Леонардо Спинаццола узоқ муддатли жароҳатидан фориғ бўлиб, сафга қайтди. Бироқ у ушбу учрашувда иштирок эта олмайди.  "Рома"нинг захира ўриндиғида ажойиб ўйинчилар бор ва бу ҳафта ўзларининг энг яхши жамоасини майдонга туширишлари кутилмоқда.

Жароҳатланганлар: Леонардо Спинаццола

Тахминий таркиблар:

"Интер" (3-5-2): Самир Ханданович;  Алессандро Бастони, Данило Д'Амбросио, Андреа Раноккия;  Дензел Дюмфрис, Иван Перишич, Марсело Брозович, Роберто Галлярдини, Ҳоқон Чалханўғли;  Лаутаро Мартинес, Алексис Санчес.

  
"Рома" (3-5-2): Руи Патрисиу;  Рожер Ибанес, Жанлука Манчини, Крис Смоллинг;  Рик Карсдорп, Матиас Виня, Браян Кристанте, Жордан Верету, Лоренсо Пеллегрини;  Николо Заниоло, Темми Абраҳам

Тахминий ҳисоб: "Интер" 2:1 "Рома"

Шаҳбоз Қаҳҳоров