Испан клуби Холанд билан келишувга яқин

Мадриднинг “Реал” клуби Эрлинг Холанд билан ҳал қилувчи музокаралар олиб борди ва ҳужумчини шу ёзда сотиб олишига ишонмоқда. Бу ҳақда “Goal” нашри хабар берди.

Клуб Холанд вакиллари, жумладан унинг отаси билан музокаралар олиб борди. Дортмундликлар ҳам “Реал Мадрид”нинг қизиқишидан аллақачон хабардор.

Келишув асосан Холанднинг хоҳишига боғлиқ, чунки у хоҳласа, шу ёздаёқ “Реал”га ўтиши мумкин. Сабаби, норвегнинг шартномасида кўрсатилганки, агар, у шартномаси тугагач кетишни истаса, Холанд ўтишни хоҳлаган клуб “Боруссия Дортмунд” ҳисобига 75 миллион евро ўтказиб берса етарли. Чунки норвегиялик ҳужумчининг шартномасида айнан шундай банд бор.

Маълумот ўрнида, Холанд жорий мавсум “Боруссия Дортмунд” сафида Бундеслига доирасида  14 учрашувда майдонга тушиб, 16 гол ва 6 та голли узатма амалга оширган. “Transfermarkt” портал норвег учун 150 миллион долларлик нарх белгилаган. Яъни бу нарх шартномасида кўрсатилганидан 2 баробар кўпдир.

Маъруф Абдумаликов