2022 йилдан суюлтирилган газ акциз солиғидан озод этилади
Жамият
−
25 Октябрь 2021 4941
Келаси, 2022 йилнинг 1 январидан ишлаб чиқарувчилар томонидан сотиладиган газга акциз солиғи солинмайди. Бу ҳақда “Аҳоли ва иқтисодиёт тармоқларини табиий ва суюлтирилган газ билан барқарор таъминлаш чора-тадбирлари тўғрисида”ги Президентнинг 5267-сонли қарорида сўз боради.
Қарорга кўра, жорий йилнинг 1 октябридан юридик шахслар томонидан Ўзбекистонга импорт қилинган табиий газни реализация қилишда акциз солиғининг ноль фоизлик ставкаси белгиланди.
2022 йил 1 январдан ишлаб чиқарувчи корхоналар томонидан сотиладиган суюлтирилган газга акциз солиғи солинмайди.
Тадбиркорларга табиий ва суюлтирилган газни Ўзбекистонга импорт қилишда ҚҚСни 120 кунгача муддатга фоизлар ҳисобланмаган ва унинг тўланишини таъминлаш талаб этилмаган ҳолда, кечиктириб (бўлиб-бўлиб) тўлаш ҳуқуқи берилади.
Live
Барчаси