Ikki oy ichida to‘rtinchi vazir janjal tufayli iste’foga chiqdi

Yaponiyaning rekonstruksiya vaziri Ken’ya Akiba o‘zining moliyaviy qonunbuzarliklari bilan bog‘liq janjal tufayli iste’foga chiqdi. 

“Men iste’foga chiqishga qaror qildim”, deydi u bugun, 27 dekabr kuni Bosh vazir qarorgohida tegishli arizani topshirgandan so‘ng jurnalistlarga. 

Akiba 2011 yildan 2020 yilgacha rafiqasi va onasiga ofis ijarasi uchun taxminan 14 million yen (taxminan 105 ming dollar) to‘laganlikda gumon qilinmoqda va ular bu daromadlarni deklaratsiya qilmagan. Bundan tashqari, 2021 yil oktyabr oyida bo‘lib o‘tadigan parlament quyi palatasiga saylov oldidan saylovoldi tashviqoti chog‘ida ishiga maosh oladigan kotiblariga qariyb 200 ming yen (taxminan 1,4 ming dollar) to‘lab, qonunni buzgan. Kutilganidek, Akiba o‘rniga avval ushbu vazirlikni boshqargan Xiromiti Vatanabe yangi Rekonstruksiya vaziri etib tayinlangan. 

Iste’foga chiqish to‘g‘risidagi qaror hukumatning kelasi yilning yanvar oyida navbatdagi sessiya chaqirilganidan keyin parlamentning normal ishlashini ta’minlash niyati bilan bog‘liq. Dekabr oyida parlamentning navbatdan tashqari yig‘ilishi yakunlanganida, muxolifat yig‘ilishlarda soatlab vazirning o‘zi va Kisidadan qonunbuzarliklar bo‘yicha tushuntirish talab qilgan. Hukumat, agar vazir o‘z lavozimini saqlab qolsa, muxolifat parlamentda so‘roqlarni davom ettirib, uning ishiga to‘sqinlik qilishidan qo‘rqdi. 

Akibadan oldin Iqtisodiy qayta qurish vaziri Daysiro Yamagiva, Adliya vaziri Yasuxiro Xanasi va Ma’muriy ishlar va kommunikatsiyalar vaziri Minoru Terada moliyaviy nohaqlik, munozarali “Birlashish” cherkovi bilan aloqalar va nomaqbul bayonotlar tufayli o‘z lavozimlarini tark etdi.