ИИБ “Диндорларга қарши қатағон Наманган вилоятида давом этади” номли хабарга муносабат билдирди

Жамият 23148
image

Ижтимоий тармоқларда бир гуруҳ рўмол ўраган ўқувчи қизлар Ички ишлар органлари ходимаси қаршиси тик тургани акс этган сурат тарқалди. Орадан кўп ўтмай ушбу суратларга мос равишда “Диндорларга қарши қатағон Наманган вилоятида давом этади” номли хабар тарқатилди. Наманган вилояти Ички ишлар бошқармаси мазкур сурат ва мақолага нисбатан муносабат билдирди. 

ИИБнинг қайд этишича, жорий йилнинг 8 апрель куни Янгиқўрғон туманидаги ХТБга қарашли 10-сонли мактаб томонидан туман ИИБга алоқа хати юборилган. Унда мактабда аввалига 5 нафар, охирги кунларда 10 нафар қизлар белгиланган тартибдаги мактаб формасини кийиб юриш қоидаларига риоя қилмаётгани, уларга бир неча маротаба мактаб формасида, лозим бўлса, оддий рўмол ўраб келишлари тўғрисида тушунтиш берилгани, бироқ ота-оналар ҳам, қизлар ҳам мактабнинг ички тартиб-қоидаларига риоя қилмаётгани баён қилинган.

ИИБга кўра, туман ИИБ ҲПБ ХҚМБ катта инспектори томонидан 10 апрель куни ушбу мактабда тарғибот ва ташвиқот ишларини олиб бориш мақсадида 9-10-11-синфлар ўртасида жиноят содир этилишини олдини олиш юзасидан муҳокама йиғилиши ташкил этилган.

Муҳокама давомида алоқа хатида кўрсатилган қизлар билан профилактик суҳбатлар ўтказилиб, Ўзбекистон Республикаси Вазирлар Маҳкамасининг 2018 йил 15 август кунги 666-сонли Қарорида“Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида”ги қарори билан тасдиқланган низомнинг 3-боби (“Таълим муассасаси ўқувчиларини замонавий мактаб формаси билан таъминлаш ва уларга қўйилган талаблар”)га асосан, Ўзбекистонда аҳоли турли миллат ва диний конфессиялар вакилларидан иборатлиги ҳамда мажбурий умумий ўрта таълим дунёвий характерга эгалиги муносабати билан ўқувчиларнинг мактаб формасига турли дин конфессиялари ҳамда субмаданиятларга мансубликни акс эттирувчи элементларни (ҳижоб, кипа, кашая, хоч ва бошқалар) қўшишга йўл қўйилмаслиги ҳақида тушунтирилган.

“Суҳбат якунида ўқувчи қизларга рўмол ўрашлари мумкинлиги, бироқ мактабга белгиланган тартибда кийиниб келишлари тушунтириб ўтилган”, дейилади Наманган вилояти ИИБ хабарида.

Qalampir.uz Tahririyati
Мақолага баҳо беринг
Баҳолаганлар: 1149
Рейтинг: 3
t
×