Huawei Uzbekistan ICT Competition 2023-2024 tanlovi boshlanganini e’lon qiladi

Huawei kompaniyasi o‘zbekistonlik talabalarni har yili o‘tkaziladigan ICT Competition 2023-2024 tanlovida ishtirok etish va AKT sohasida o‘z mahoratini namoyish etishga taklif qiladi. Ro‘yxatdan o‘tish 2023 yil 15 oktyabrgacha davom etadi.

Huawei o‘zi faoliyat yuritayotgan mamlakatlarda, jumladan, O‘zbekistonda ham mahalliy hamjamiyatlar uchun qiymat yaratish tarafdori. Ayni paytda jahon miqyosida malakali AKT mutaxassislarini tayyorlash, startaplarni qo‘llab-quvvatlash, atrof-muhit va tabiiy resurslarni muhofaza qilishga qaratilgan 270 dan ortiq ijtimoiy dasturlar amalga oshirilmoqda, bu esa ijtimoiy-iqtisodiy tiklanish va taraqqiyotga xizmat qilmoqda.

Ta’lim sohasidagi tashabbuslarni qo‘llab-quvvatlash mavzusi Huawei’ning ijtimoiy yo‘naltirilgan loyihalari orasida alohida o‘rin tutadi, chunki mamlakatlar raqamli iste’dodlarni rivojlantirish va aholining raqamli savodxonligi va ko‘nikmalarini oshirishning eng yaxshi usullarini tatbiq etmoqda. Nazorat qiluvchi organlar va oliy ta’lim muassasalari bilan hamkorlikda kompaniya IT-ta’limni faol targ‘ib qilish va iqtidorli yoshlarni AKT sohasiga jalb etish uchun shart-sharoitlar yaratishga intiladi. Shunday qilib, O‘zbekiston Respublikasi Raqamli texnologiyalar vazirligi ko‘magida mamlakatimizning yetakchi universitetlaridan 15 nafar talaba 2-16 sentabr kunlari Qatar va BAAda o‘tkaziladigan “Seeds for the Future” yillik ta’lim dasturida qatnashib, mintaqaviy Tech4Good  tanlovida g‘alabani qo‘lga kiritdi.

Huawei o‘zbekistonlik talabalarga raqamli ko‘nikmalarini oshirish va global AKT tanlovida ishtirok etish uchun yana bir imkoniyatni taqdim etadi. ICT Competition Huawei ICT Academy dasturining muhim elementlaridan biri bo‘lib, u AKT sohasida iste’dodlarni rivojlantirish va mutaxassislarni tayyorlashga mo‘ljallangan. Tanlov bir necha yil ketma-ket butun dunyoda o‘tkazib kelinmoqda va talabalar va mutaxassislar o‘rtasida bilim, tajriba va g‘oyalar almashinuvi maydoniga aylangan.

Huawei ICT Competition Huawei ICT Academy talabalari va ICT Akademiyaga qo‘shilishni xohlovchi oliy ta’lim muassasalari talabalari uchun mo‘ljallangan. Mazkur tanlov orqali Huawei talabalarga sog‘lom raqobat va fikr almashish uchun platforma yaratish, shu orqali ularning AKT sohasidagi bilim va amaliy ko‘nikmalarini oshirish, shuningdek, yangi texnologiyalar va platformalar yordamida innovatsiyalar yaratish qobiliyatini oshirishni maqsad qilgan.

2015 yilda birinchi marta tashkil etilganidan beri Huawei ICT Competition raqobati ko‘lami o‘sishda davom etdi. O‘tgan yili Huawei ICT Competition tanlovida 2000 dan ortiq kollej va universitetlardan 120 mingdan ortiq talaba ishtirok etdi. Huawei ICT Competition 2022-2023 dunyoning 74 mamlakati va mintaqalaridan talabalarni birlashtirdi. Musobaqa natijasida 146 ta jamoa yakuniy test sinovlarida ishtirok etdi.

ICT Competition 2023-2024 bir necha bosqichlardan iborat bo‘ladi, jumladan, mintaqaviy darajadagi saralash bosqichlari, yarim final va final. Ishtirokchilar tarmoq texnologiyalari, bulutli hisoblash, sun’iy intellekt va boshqa tegishli AKT sohalari kabi turli nominatsiyalar bo‘yicha bellashadilar.

Ro‘yxatdan o‘tish muddati: 15.10.2023.

ICT Competition haqida batafsil ma’lumot.

Reklama huquqi asosida