Golden Boy мукофоти учун якуний номзодлар рўйхати эълон қилинди

21 ёшгача бўлган энг яхши футболчига бериладиган 2022 йилги Golden Boy мукофотига якуний 20 номзод номи эълон қилинди. Бу ҳақда “Tuttosport” хабар берди.

Рўйхатга қуйидаги футболчилар киритилган: Жуд Беллингем, Карим Адейеми (иккаласи ҳам "Боруссия Д"), Эдуардо Камавинга ("Реал Мадрид"), Педри, Ансу Фати, Гави (барчаси - "Барселона"), Антонио Сильва ("Бенфика") , Фабио Карвалью ("Ливерпуль"), Вилфред Ньонто ("Лидс"), Жошко Гвардиол (“РБ Лейпциг”), Жамол Мусиала, Матис Телл, Раян Гравенбер (барчаси "Бавария"), Фабио Миретти ("Ювентус"), Нико Гонсалес («Валенсия»), Нуно Мендес ("ПСЖ"), Жоржио Скалвини ("Аталанта"), Никола Залевски ("Рома"), Бенжамин Шешко (“Ред Булл Залсбург”) ва Иенома Дестинй Удоги ("Удинезе").

Ўтган йили бу совринни "Барселона" ярим ҳимоячиси Педри қўлга киритган эди.

Маълумот учун ушбу мукофот ўз даврида Лионель Месси, Серхио Агуэро, Уэйн Руни, Поль Погба, Килиан Мбаппе ва Эрлинг Ҳоланд каби футбол юлдузларига насиб этган.

Шаҳзод Шукуров