Globe Soccer Awards совринлари учун номзодлар эълон қилинди

Ҳар йили ўтказиладиган Globe Soccer Awards мукофотига номзодлар маълум қилинди. Бу ҳақда мукофотнинг расмий веб-сайтида хабар берилди.

Жумладан, "Аякс", "Бавария", “Бока Хуниорс”, "Фламенго", "Ливерпуль", “Манчестер Сити”, "Милан", "ПСЖ", "Рейнжерс", "Реал", “Ривер Плейт” ва "Рома" жамолари ўтган мавсумнинг энг яхши футбол клуби бўлиш учун курашади.

Йилнинг энг яхши футболчиси бўлиш учун Александр- Арнольд, Бензема, Кансело, Каземиро, Куртуа, Де Брюйне, Диас, Фоден, Холанд, Аллер, Иммобиле, Винисиус Жуниор, Кейн, Киммих, Левандовски, Маҳрез, Мане, Мбаппе, Месси, Модрич, Неймар, Нкунку, Роналду, Салаҳ ва Сон Хён Мин каби футболчилар санаб ўтилди.

Шунингдек, йилнинг энг яхши мураббийи бўлиш учун номзодлар маълум бўлди. Карло Анчелотти, Унаи Эмери, Пеп Гвардиола, Симоне Инзаги, Юрген Клопп, Жозе Моуриньо, Юлиан Нагелсманн, Стефано Пиоли, Маурисио Почеттино, Лучано Спалетти, Хави ва Англия аёллар терма жамоаси мураббийи Сарина Вигман энг яхши мураббий бўлиш учун номзодлар қаторидан жой олган.

Йилнинг энг яхши клуб президенти совринига Халдон ал Муборак (“Манчестер Сити”), Хорхе Пинто да Коста ("Порту"), Герберт Хайнер ("Бавария"), Флорентино Перес ("Реал") ва Паоло Скалони ("Милан") даъвогарлик қилмоқда.

Йилнинг энг яхши агенти совринига Жорже Мендеш, Эран Захави, Жонатан Барнетт, Рафаэла Пимента, Франк Тримболи ва Леон Анхеллар номзод қилиб кўрсатилган.

Эслатиб ўтамиз, номзодларни тақдирлаш маросими жорий йилнинг 17 ноябрь куни БААнинг Дубай шаҳрида ўтказилади.

Шахзод Шукуров