Гипертонияни “чақирувчи” маҳсулотлар айтилди
Саломатлик
−
04 Октябрь 2021 9373
Сосиска, колбаса, чучвара ва ярим тайёр маҳсулотлар гипертонияга олиб келиши мумкин. Бу ҳақда россиялик шифокор-кардиолог Сергей Иванов маълум қилди.
Унинг сўзларига кўра, озиқ-овқат маҳсулотларида тузни камроқ ишлатиш керак, ярим тайёр маҳсулотларни ҳаддан ташқари кўп истеъмол қилмаслик керак, чунки ортиқча тана оғирлиги касалликка олиб келади.
“Агар нотўғри маҳсулотлар ҳақида гапирадиган бўлсак, улар: таркибида кўп ёғ бўлган сосискалар, колбаса, чучвара”, деб тушунтирган Иванов.
Кардиолог иккинчи тоифа диабетни қўзғатиши сабабли тез ҳазм бўладиган углеводларни ҳаддан ташқари кўп истеъмол қилишдан воз кечишни маслаҳат берган.
“Бундан ташқари, ҳайвон ёғлари бўлган маҳсулотларни камроқ истеъмол қилиш керак”, деган шифокор.
Иванов рационга тўлиқ оқсилга бой маҳсулотлар: сабзавотлар, гўшт ва балиқларни киритишни таклиф қилган.
Live
Барчаси