Германия Украинага навбатдаги ҳарбий ёрдам пакетини эълон қилди

Германия Украинага навбатдаги ҳарбий ёрдам пакетини эълон қилди. Ёрдам бутун ер усти транспорт воситалари, ўқ-дорилар ва сунъий йўлдош алоқа терминалларини ўз ичига олган. Бу ҳақда Германия ҳукумати сайтида хабар берилди.

Янги ҳарбий ёрдам пакетига қуйидагилар киради:

• 14 та Bandvagn 206 бутун ер усти транспорти;
• Biber кўприги қатлами;
• 2 та муҳандислик автомобили WiSENT 1 MC;
• 7 та HX81 трактори ва улар учун 8 та тиркама;
• 21 та чегара қўриқлаш воситалари;
• Leopard танклари учун радиостанциялар;
• 99 та сунъий йўлдош алоқа терминаллари;
• Векторли дронлар учун эҳтиёт қисмлар тўплами;
• 20 000 та ҳимоя кўзойнаги;
• 239 та криптофон;
• граната отиш учун деярли 33 минг 40 мм ўқ-дорилар;
• 1202 инфузион насослар (тиббий жиҳозлар).

Жорий йилнинг 18 сентябрь куни Германия мудофаа вазири Борис Писториус Украинага 400 миллион евролик ҳарбий ва гуманитар ёрдам пакетини эълон қилганди. Унга турли хил кучли портловчи снарядлар, артиллерия воситалари, минадан тозалаш воситалари, қишки кийимлар, электр ва иссиқлик генераторлари кирганди.

Германия ҳукумати 13 сентябрь куни ҳам Украинага аввалги ҳарбий ёрдам пакетини эълон қилди. Жумладан, унинг таркибига 20 та Marder зирҳли техникаси ва 20 та RQ-35 Heidrun дронлари киритилган.