Футзал. Ўзбекистон аёллар терма жамоаси Осиё кубогига йўл олди

Спорт

−

20 Январь 2025 visibility5033 timer1 дақиқа

Футзал бўйича Ўзбекистон аёллар терма жамоаси Тошкентда ўтган саралаш босқичида, “С” гуруҳида 7 очко жамғариб қитъа кубогига йўлланмани қўлга киритди.

11-19 январь кунлари Тошкент шаҳридаги “Юнусобод” спорт мажмуасида футзал бўйича аёллар ўртасида Осиё кубоги саралаш босқичининг “С” гуруҳи ўйинлари бўлиб ўтди. Ушбу гуруҳда Ўзбекистон, Филиппин, Австралия, Туркманистон ва Қувайт аёллар терма жамоалари йўлланма учун кураш олиб борди. Якунда 12 очко жамғариб, 1-ўрин олган Австралия, 7 тадан очкога эга Ўзбекистон ва Филиппин терма жамоалари 2-ва 3-ўринни эгаллаб, Хитойдаги турнирга йўл олди.

Маълумот ўрнида, 2025 йилнинг 7-18 май кунлари Хитойда футзал бўйича аёллар ўртасидаги Осиё кубоги бўлиб ўтади. Ушбу турнирда 12 та терма жамоа чемпионлик учун кураш олиб боради.

Мақола муаллифи