Футболда катта жанжал: ҳакам 23 футболчига қизил карточка кўрсатди (видео)

Бугун, 9 март куни Бразилиянинг “Атлетико Минейро” ва “Крузейро” футболчилари ўртасида штат чемпионати финалининг сўнгги дақиқаларида оммавий муштлашув юз берди. Учрашув ҳаками 23 нафар футболчига қизил карточка кўрсатди.

Финал ҳуштаги янграгач, майдонда икки жамоа футболчилари ҳамда захира ўйинчилари иштирокида оммавий муштлашув юз берган. Можаронинг фаол иштирокчиларидан бири – Ҳалк бўлди.

Жанжал “Атлетико Минейро” дарвозабони рақиб футболчисини ерга йиқитиб, унга зарба бера бошлаганидан кейин келиб чиққан. Можаро тезда авж олиб, унда Ҳалк билан бирга собиқ “Атлетико” футболчилари Герсон ва Матео Кассьерра ҳам қатнашган.

Ҳакам воқеа жойида жанжал кўлами катта бўлгани сабаб майдонда ҳеч кимга қизил карточка кўрсатмаган ва жамоалар ўйинни расмий равишда тўлиқ таркиб билан якунлаган. Бироқ кейинчалик ҳакам ўйин бўйича расмий ҳисоботга жами 23 та қизил карточка киритган: шундан 12 таси “Крузейро” футболчиларига, 11 таси эса “Атлетико Минейро” аъзоларига берилган.

Финал учрашувидаги ягона голни Кайо Жорже киритган.

Эслатиб ўтамиз, 2025 йилнинг 26 ноябрь куни Боливия кубогининг чорак финалида “Реал Оруро” ва “Блуминг” ўртасидаги учрашув катта жанжал билан якунланган ва якунда ҳакам 17 та қизил карточка кўрсатилган эди.