Футболда ҳамма нарса бўлиши мумкин – Гаврдиола Клоппга ишонмаслигини айтди

Муҳаммад Салоҳ ва Садио Мане Африка Миллатлар кубогидаги иштироки сабаб, “Ливерпуль”нинг учта учрашувини ўтказиб юборди. Салоҳ ва Мане қитъа биринчилигига кетишларидан олдин “қизиллар” уларсиз қийналиши айтилганди. Аммо икки етакчисиз ўтказилган учта учрашувда “Ливерпуль” ғалабага эришди.

АПЛнинг 24-туридан ўрин олган учрашувда “Ливерпуль” Диогу Жотанинг икки голи эвазига “Лестер” жамоасини таслим қилишнинг уддасидан чиқди. Салоҳ ва Мане йўқлигида Жота мерсисайдликларнинг ҳақиқий эркатойига айланиб улгурди. Тўпурарлар  пойгасида ҳам Муҳаммад Салоҳдан кейин иккинчи ўринга чиқиб олди.

“Лестер”га қарши учрашудан сўнг “қизиллар” устози Юрген Клопп чемпионлик ҳақида фикр билдирди:

“Мен биз уларни  (“Манчестер Сити”)  оёқ ости қилиб ташлашимизга ишонмайман.  Бизда деярли имконият йўқ. Лекин бу бизга энг яхши мавсумларимиздан бирини ўтказишга ҳалал бермайди”, деб фикр билдирган германиялик мутахассис.

Бугун АПЛнинг 25-тури доирасида бўлиб ўтадиган, “Норвич”-“Манчестер Сити” учрашувида олдидан, Хосеп Гвардиола Клоппнинг фикрларига муносабат билдирд:

“Мен унга ишонмайман. Агар, у ростан ҳам чемпионлик мумкин эмас, деб ўйласа, ўзи каби рақиб бўлмайди. Албатта, у ишонади. Бу футбол, унда ҳамма нарса содир бўлиши мумкин. У биладики, олдинда жуда кўп ўйинларда ғалаба қозониши керак. Худди шунингдек, биз ҳам яна чемпион бўлишни хоҳласак, кўп ўйинларда ғалаба қозонишимиз лозим”, дея таъкидлаб, ҳамкасбининг сўзларига ишонмаслигини айтган Хосеп Гвардиола.

Фикрлари давомида испаниялик мутахассис Хосеп Гвардиола “Ливерпуль” жамоасини ва Клоппни рақобатчи сифатида ҳурмат қилишини кўрсатди:

“Икки жамоа ҳам ўтган йиллар давомида ақл бовар қилмас даражада ҳаракат қилди. Кетма-кет ғалабаларга эришди. Иккаласининг мураббийлари, жамоалари ва ғоялари бир хил (ғалаба қозониш). “Ливерпуль” ҳам, “Манчестер Сити” ҳам 16-17 талаб ўйинларни юта олади. Улар чемпион бўла оладилар. Шунингдек, биз ҳам буни амалга ошироламиз”, дея фикрларини якунлаган “Манчестер Сити” устози.

Маълумот ўрнида, АПЛнинг 24 та туридан кейин “Манчестер Сити” 60 очко жамғарган ҳолда, жадвалда яққол етакчилик қилмоқда. Иккинчи ўринда борётган “Ливерпул” жамоасида 51 очко бор. Лекин Клопп жамоаси ҳисобида битта захира ўйини ва апрель ойида “шаҳарликлар” билан тўқнашув бор. Шунинг учун, “қизиллар”ни пойгадан чиқаришга бироз эрта. Ҳаммаси ўзгариб кетиши мумкин.

Маъруф Абдумаликов