Францияга қурғоқчилик хавф солмоқда – вазир Бешю
Олам
−
27 Февраль 2023 3948
Франциянинг Экологик ўзгаришлар ва ҳудудларни ривожлантириш вазири Кристоф Бешю қурғоқчилик хавфидан қочиш учун мамлакатда сувни тежаш кераклигини айтди. Бу фикрни вазир “Le Journal du Dimanche” нашрига берган интервьюсида билдирган.
Қайд этилишича, вазир Францияда 2022 йилдаги қурғоқчилик туфайли ер ости сувлари даражаси пасайиб кетганини маълум қилган. Февраль ойида эса ёғингарчилик камайиб, 1959 йилдан бери энг қурғоқчил ой кузатилган.
Шунингдек, Бешю бугун, 27 февраль куни ҳудудий префектлар билан учрашув ўтказишини, уларга ёзда зарур бўлган сув ресурсларини сақлаш учун ҳозирдан чеклов чоралари кўришни тавсия қилмоқчилигини айтган.
Эслатиб ўтамиз, Францияда олдинроқ фермерлар қишлоқ хўжалиги соҳасидаги муаммолар ортидан намойиш ўтказган ва тракторлар билан Парижга кириб борган эди.
Алибек Бейжанов
Live
Барчаси