Франция расмийлари Олимпиада меҳмонларини огоҳлантирди

Франция расмийлари сайёҳлар Париж Олимпиадасининг очилиш маросимини томоша қила олмаслигини, чунки улар тадбирлар вақтида хавфсизликка таҳдид бўлиши мумкинлигидан огоҳлантирди. Бу ҳақда Ички ишлар вазири Жеральд Дарманин маълум қилди. 

Дарманинга кўра, хавфсизликка оид махсус таҳдидлар аниқланмаган, бироқ экстремистик гуруҳлар ва фаоллар ҳужумларидан тортиб, Россия киберҳужумларигача бўлган эҳтимолий таҳдидлар кўп. Ўтган ўн йил ичида Франция қайта-қайта экстремистлар нишонига айланган.

Ўтган йилнинг октябрь ойида экстремистликда гумон қилинган шахс мактабга кириб, ўқитувчини пичоқлаб ўлдирганидан сўнг, мамлакатда террорчилик ҳужумлари учун энг юқори даражадаги огоҳлантириш ҳолати кузатилган. Шунингдек, ўтган ҳафтада бир киши Париж мерияси ходимидан Олимпия ўйинлари хавфсизлиги режаларини ўғирлаган. 

Очилиш маросимига 600 минггача томошабин, жумладан, кўплаб сайёҳлар келиши кутилмоқда. Ҳозирда Олимпия мусобақалари ўтказиладиган шаҳарларда истиқомат қилувчи ва ишлаётганлар орасидан квоталар бўйича танланган 222 минг киши тантанали маросимни бепул томоша қилиш имкониятига эга бўлади.