Фарғона водийсида 4,5 балли зилзила кузатилди
Жамият
−
11 Сентябрь 2023 6924
Бугун, 11 сентябрь куни Фарғона водийси вилоятларида зилзила содир бўлди. Бу ҳақда Сейсмопрогностик мониторинг республика маркази хабар берди.
Унга кўра, тонгги соат 06:54 да Фарғона вилояти Фарғона шаҳрида чуқурлиги 5 кмда 4,5 магнитудали зилзила бўлган. Андижон ва Наманган вилоятларида эса ер силкиниши 2-3 баллни ташкил этган.
Зилзила кучи Фарғона вилоятининг бир нечта туманларида 4 баллгача, Андижон вилоятида 2-3 балл, Наманган вилоятида 2 баллгача сезилган.
Акобир Сайидов
