Фарғона нефтни қайта ишлаш заводи ишчиларини ташувчи автобус ёниб кетди
3-саҳифа
−
23 Октябрь 2021 6111
Кеча, 22 октябрь куни Фарғона шаҳридаги нефтни қайта ишлаш заводи яқинида ташкилотга тегишли бўлган автобус ёниб кетди. Бу ҳақда вилоят Фавқулодда вазиятлар вазирлиги хабар берди.
Қайд этилишича, воқеа соат 23:08 да шаҳарнинг Саноат кўчаси 240-уйда жойлашган масъулияти чекланган жамиятнинг 1-кириш йўлаги яқинидаги катта йўлда содир бўлган.
Аниқланишича, ёнғин заводга тегишли бўлган Isuzu русумли автобуснинг мотор ва салон қисмида кузатилган.
Ёнғин-қутқарувчилар ҳодиса жойига етиб борган ва 23:12 да атрофни ўраб олган. Фалокат 23:16 да бартараф этилган.
Айни вақтда ёнғин етказган зарар аниқланмоқда. Ҳодиса оқибатида жабрланганлар ва куйганлар йўқ.
Live
Барчаси