Эртага Британияда коронавирусга қарши вакцина синовлари бошланади

Олам

−

22 Апрель 2020 visibility4488

Коронавирус вакцинасини ишлаб чиққан Оксфорд университети олимлари 23 апрель куни клиник синовларни бошлайди. Бу ҳақда Қироллик Соғлиқни сақлаш вазирлиги раҳбари Мэтт Хэнкок хабар бермоқда.

Унга кўра, вакцина кўнгиллиларда синовдан ўтказилади. Вазир тадқиқотчиларнинг ишидан ғурурланишини айтди, чунки стандарт шароитларда ушбу босқичга эришиш учун йиллар керак бўларди.

Бундан ташқари, бошқарма бошлиғининг маълум қилишича, COVID-2019 вакцинасини яратиш бўйича энг яхши иккита лойиҳа ҳукумат томонидан қўшимча маблағ йўналтирилишини талаб қилади. Шундай қилиб, Оксфорд жамоасига 20 миллион фунт, Лондон Империал коллежи олимларига 22,5 миллион фунт ажратилади. Иккинчи гуруҳ июнь ойида синовларни бошлайди.

Сўнгги маълумотларга кўра, Буюк Британияда коронавирусга 129 044 нафар одам чалинди. 344 бемор шифо топган бўлса, 17 337 киши вафот этди.

Мақола муаллифи