Эрондаги ядро объектида авария содир бўлди

Олам 2776
image
-

Эроннинг Натанз шаҳридаги ядро уранини бойитиш корхонасида бахтсиз ҳодиса юз берди. Бу ҳақда Эрон Ислом Республикаси Атом энергияси ташкилотининг расмий вакили Беҳруз Камальванди маълум қилди.

Унинг сўзларига кўра, воқеа электр энергиясини тақсимлаш билан боғлиқ носозлик туфайли юз берган.

“Биздаги маълумотларга кўра, бахтимизга, бу ҳодиса ифлосланиш келтириб чиқармаган ва одамларга зарар етказмаган”, дейди манба.

Эслатиб ўтамиз, аввалроқ АҚШ воситчилар орқали Эрон билан ядровий битим бўйича музокараларга қайтиши мумкинлиги хабар қилинганди.

Кейинчалик, Эрон ядровий битимга қайтиши учун АҚШга шарт қўйганди.

Умиджон Нозимжонов
Мақолага баҳо беринг
Баҳолаганлар: 97
Рейтинг: 3
t
×