Telegram
Биринчи билинг!
“Энг тажрибали дипломат”. Украина вазири душман томонни мақтади
Олам
−
18 Март 2022 32335
Украина Ташқи ишлар вазири Дмитрий Кулеба Россия Ташқи ишлар вазири Сергей Лавров билан мазмунли суҳбатлашишга тайёр эканини айтиб, уни дунёдаги энг тажрибали дипломат деб атади.
“Лавров ниҳоятда тажрибали дипломат, менимча, у бугунги кунда дунёда шу лавозимида энг узоқ вақт ишлаган. Мен у билан гаплашишга тайёрман, у билан жиддий, мазмунли суҳбат қуришга тайёрман. Лекин бу барча оммавий ҳикоялар музокаралар хонасидан ташқарида қолиши керак. Шунда биз натижаларга эришишимиз мумкин”, деган Кулеба “Украинская правда”га берган интервьюсида.
Эслатиб ўтамиз, жорий йилнинг 10 март куни Туркия воситачилигида Лавров ва Кулеба ўртасида музокаралар бўлиб ўтди.
Россия Украинага ҳужум бошлагандан сўнг, февраль ойи охирида Беларусда Россия Федерацияси ва Украина музокараларнинг учта раунди бўлиб ўтди. Эндиликда ушбу форматдаги музокаралар ҳар куни видеоалоқа орқали олиб борилмоқда.
Live
Барчаси